94. Bachfest der Neuen Bachgesellschaft e.V. in Rostock

Twischen de beiden Geburtsdage „800 Johr Hansestadt Rostock 2018“ un „600 Johr Universität Rostock 2019“ ward dat Bachfest von 10. – 19. Mai 2019 fieert. De Hand öwer dat Fest höllt Ministerpräsidentin von uns´ Lann Manuela Schwesig. Dat Seggen öwer dat Bachfest hett de Kanter von de St.-Johannis-Kantorei Rostock KMD Prof. Dr. h.c. Markus Langer. Mihr as hunnert Events ünner dat Thema: „Kontrapunkte“ stahn up dat Programm.

„Kontrapunkt“ meent een Kontrast, een Gegenpol to wat anners. He is een wichtig Satzprinzip in de mihrstimmig Musik, later ok een Gegenstimm to een vörgewen Thema as ok ganze kontrapunktische Kompositionen.

Dat Fest sülwst is mihrfach kontrapunktisch utricht. Näben de Upführungen von Bach sien Vokal- un Instrumentalwarke hürt de Erfohrung von wennig to hüürende Kontrapunkte in dat breide Programm. Up de een Siet de „hochromantische-neobarocke Klangwelt Antonin Dvoráks“, den een Portrait widmet ward, in Tosammhang von Bach sien Echo in de Romantik, up de anner Siet Instrumentalwarke von Igor Strawinsky in Kontrastdialog to de Bramburgische Konzerte. 

Anner Kontrapunktierungen beiden de Präludien un Fugen von Bach näben den Präludien von Schostakowitsch mit Livemalerei, Stücke öwer Kirchenfinster von Sigfrid Karg-Elert un Petr Eben, dornäben Magnificat- Vertonungen von Bach, Arvo Pärt un Harald Weiss (Urupföhrung) ton End ok Reflections in Jazz, een Barock-Expedition för Kinner, Breakdance mit  „Flying Bach“ un Bach in Rostocker Stadthaben.

Besünnere Upmarksamkeit vont Festival gelt den Dirigenten un Musikwissenschaftler Hermann Kretzschmar. He hett mit sien „Historischen Konzerten“ de Grundlag för de regelmäßig Bachfeste der NBG leggt un nah sien späderen Wessel von Leipzig nah Berlin 1901 dat ierste Bachfest stüert.

Näben Rostocker Künstler warden Bach-Interpreten von Weltbedüüdung uptreden: Konzerte mit Sopranistin Dorothee Mields, de beiden Priesdräger von Bachmedaillen Reinhard Goebel un Peter Kooij, den Organisten Ton Koopman un Christoph Schoener, de Berliner Barock Solisten von de Berliner Philharmoniker, de lautten compagney BERLIN un väle anner versprecken een breitanleggt un hochkarätig Programm.

In de Tied von dat Bachfest ward sick de Johresversammung von de Hochschulrektorenkonferen (HRK) in Rostock drapen.

Utrichten deet dat Bachfest de Bachverein Rostock e. V. Siet Februar 2017 sünd de dorbie dat allens to planen.

 
Direkter öwer de Musik   KMD Prof. Dr. h.c. Markus J. Langer

Direkter öwer de Musik

KMD Prof. Dr. h.c. Markus J. Langer